„Слободата, самостојноста и независноста се најдрагоценото нешто на секоја држава. После Илинденското востание, после Народно ослободителната војна, 8-ми Септември е датумот кој што ќе остане длабоко врежан во корените на историјата на Република Македонија.
Датум кој обединува, датум кој дава наше единство, заедништво, датум кој влева надеж на сегашните и на идните генерации.
Во оваа прилика од името на СДСМ на сите граѓани на Република Македонија да го честитам 8-ми Септември, денот на независноста.
Нека ни е честит и нека ни е вековит“, рече Васко Ковачевски, претседател на СДСМ Битола и пратеник во Собранието на Република Македонија.
