Летви, камења и пластични шишиња летаат пред Собранието меѓу двете групи. Едната како поддршка на опозицијата за неносење на ненародниот и расипнички буџет, втората организирана од власта, во одбрана на буџетот.
Поддржувач на владејачките партии упадна, го одзема и го запали државното знаме од поддржувач на опозицијата. Од камен фрлен од страна на поддржувачите на ВМРО-ДПМНЕ, во нога е погоден 70-годишен човек и е пренесен во Градската болница.
Оние кои вчера се организираа како невладина организација Фронт за народот, Фронт за Македонија, носат транспаренти со натписи „Бранко готово е“, „Цел народ против Бранко“, „Студентите против Бранко“.
Носат македонски знамиња, но и знамиња со 16-кракото сонце. Припадниците на опозицијата носат државни и партиски знамиња.
Силен кордон на полиција во целосна опрема ги разделува двете групи за да не дојде до посериозен инцидент, но состојбата е крајно напната и тензична.