„Извршителот на Никола Груевски, Христијан Мицкоски синоќа уште еднаш призна – негова најголема негова болка е Законот за Јавно обвинителство. Овој Закон обезбедува продолжување на сите предмети, обезбедува одговорност за сите кои се огрешиле пред законот и истиот е темел за градење силно и независно и професионално обвинителство. Токму тоа е она против кое Мицкоски и ВМРО-ДПМНЕ се борат“, рече координаторката на Форум на жени и пратеничка на СДСМ, Снежана Калеска Ванчева.
Според Ванчева, Мицковски заедно со партијата марширал за неправда, против одговорност и против независно судство и исто како во времето на режимот со закануваше кон судии, обвинители, новинари и медиуми, а зад него биле старите, верни послушници и кочничари на европската иднина на државата.
„ВМРО-ДПМНЕ со одбрана на мафијата не може да донесе правда, со заштита на Груевски не може да донесе правна држава, а со обидите да се уништат предметите на СЈО не може да донесе владеење на правото. ВМРО-ДПМНЕ и понатаму е водено од обвинетите Антонио Милошоски, Илија Димовски, Игор Јанушев, Цветан Трипуновски и нивните шефови Груевски и Мицкоски. Тие се симбол на неправда и криминал и не можат да се борат за правда. Мицкоски и ВМРО-ДПМНЕ можат да протестираат против правдата, но криминалот на нивниот шеф од Будимпешта и криминалот на нивните сопартијци нема да го одбранат“, додаде Ванчева.
