(ВИДЕО) Јанчев: Ако може за пратениците плата до 5-ти, тогаш може и за работниците

Од:

На вчерашната седница на Собранието, покрај Предлог-законот на Левица за зголемување на породилното отсуство од 9 на 18 месеци, којшто беше одбиен, на Дневен ред се најде и уште еден предлог на Левица – за исплата на платите до петти наместо до петнаести наредниот месец, изјави пратеникот на Левица, Сашко Јанчев.

„Ако може за нас, пратениците, платата да се исплаќа до петти во месецот – тогаш треба и за сите останати кои нѐ избрале да им се исплаќа до петти“ – акцентираше Јанчев од Левица во своето излагање.

„На банките не им е грижа дали луѓето кои отплаќаат рати за кредити земаат плата на 15-ти во месецот или подоцна – парите за рата мораат да легнат на банкарските сметки без разлика дали некој зел плата или не. Имајќи предвид дека во Македонија е тешко да се заштеди дел од претходната плата – граѓаните се ставаат во неповолна ситуација и неретко мораат да се задолжуваат“ – образложи пратеникот.

„Исто така, сопствениците на становите, при наплата на кирии, не ги интересира дали платата се исплаќа на 15 или 20 во месецот. Дополнително, и роковите на некои месечни сметки за тековни трошоци не се поклопуваат со земањето на платата доцна во месецот, па така, неретко на сметките се појавува и заостанат долг и се засметува камата на истиот“ – истакна Јанчев.

Ниту овој предлог на пратеничката група на Левица владејачкото мнозинство предводено од ВМРО-ДПМНЕ не го гласаше и истиот не помина.

Би можело да ве интересира

Левица: Уште нема осомничени од актуелните функционери за трагедијата во Кочани

Левица: Ја повикуваме власта веднаш да спроведе ветинг во МВР

Мојсоска: Криви се ваквите народни избраници кои егзистираат и профитираат од аномалиите на системот

Плата до 5-ти и породилно отсуство од 18 месеци – предлозите на Левица утре на дневен ред

Горан Наумовски

Левица: Братучед на пратеничка од ДПМНЕ назначен за командир – продолжува непотизмот на Тошковски

Изет Меџити го крие труењето на народот со олово, арсен и цијанид во Крива Река, велат од Левица

Горан Наумовски