ВИДЕО: Изгаснат пожарот во Дебар Маало

Од:

Нема жртви, ниту повредени станари од пожарот кој околу пладне избувна во зграда во скопската населба Дебар Маало.

Пожарот избувнал во станот на поткровјето од зградата на улица „Дебарца“, спроти Министерството за одбрана.

Според очевидците, во моментот кога избувнал пожарот, во станот имало две деца кои ги предупредиле останатите станари.

Од Противпожарната служба интервенирале со шест возила, а според првичните претпоставки причина за пожарот најверојатно бил бојлерот од тоалетот во станот.

„Гасењето се одвиваше во отежнати услови поради дрвената конструкција и пукнатите водоводни цевки. Опожарени се три стана од кој еден дуплекс, на 4-ти и 5-ти спрат. За среќа нема жртви. По кажувањето на станарите се слушналa експлозија од болјерот. При гасењето на пожарот еден од пожарникарите се здоби со повреда откако се лизнал по скали“, рече Ѕвонко Томевски командир на Противпожарната бригада.

Виктор Јованов

Би можело да ве интересира

Умерен земјотрес на грчкиот остров Закинтос

Запалени околу триста стари гуми кај селото Костурино

Ана Ололовска

Пожар во Таор, гори сува трска

Ана Ололовска

Изгоре камион и дел од покривна конструкција во магацин во Струмица

Ана Ололовска

Пожар во близина на Пробиштип

Пожар на Кефалониа, превентивно евакуирани жители и туристи