Неколку полицајци пред Врховниот суд интервенираа откако едно лице се приближи до нив при што им се обрати. Човекот се доближи и му кажа нешто на еден од полицајците по што останатите припадници на МВР му го одзедоа ранецот и го приведоа.
Неофицијално од МВР за А1он велат дека се работи за лицето Ибруш Ибраими од Арачиново кој околу половината бил нареден со некаков вид на импровизиран “експлозив“ од петарди и се заканувал на полицијата. Педесет и седумгодишниот Ибраими е приведен од страна на припадниците на МВР.
Во Врховниот суд денеска се соопшти пресудата за 37-темина обвинети во случајот „Диво Насеље“ каде загинаа осуммина припадници на македонската полиција и десет лица од вооружената група. На обвинетите им се суди за тероризам и терористичка организација.
Виктор Јованов