На вечерашниот митинг во Гази Баба претседателот на ВМРО-ДПМНЕ и претседател на Владата на Република Македонија, Никола Груевски се обрати пред насобраните граѓани.
Во времето на 90-те исто така имаше градоначчалници, политичари, министри, пратеници. Но тогаш беше некако нормално и луѓето веќе се беа навикнале и се беа помириле со судбината политичарите да им ветуваат, а да не остваруваат, рече тој.
Памтиме како Бранко Црвенковски ветуваше дека ќе вработи по еден член од секое семејство. Не вработи по еден човек дури и отпушти по еден од секое семсјтво. Памтиме се што ни ветуваа, дека ќе го уништат октоподот кој што сами го создадоа, памтиме како во тоа време, а не постети неодамна и Магаш, криминалецот кој што не потсети како во тоа време со Бранко и со Фрчковски правеле шверц на нафта и ги делеле парите во кафаната Идадија. Памтиме како во тоа време беше јавна тајна како се крши ембаргото од ОН кон Југославија за дебели профити на луѓе тука во земјата. Памтиме и како се направи приватизацијата во која што за симболични суми се распределија највредните фабрики во Македонија на нивните директори блиски до СДСМ, рече Груевски.