Опожарена една од галиите кој се наоѓаат во реката Вардар во центарот на Скопје.
Според видеото црн чад се издигнува над галијата која се наоѓа на кејот во близина на Холидеј Ин.
Според информациите кои ги добивме пожарникари веќе пристигнале на локацијата и се обидуваат да го изгаснат пожарот.
Од противпожарната бригада на Скопје за А1он велат дека пожарот настанал во внатрешноста на галијата.
Се интервенира со три возила и 12 пожарникари.
Запалената галија е онаа што почна да ја урива поранешниот градоначалник Петре Шилегов. По промената на градскат власт, уривањето запре.