Глувци во тоалетот покажуваат снимки испратени од студенти кои живеат во домот „Пелагонија“ до организацијата „Студентарија“ која пак алармираше за ситуацијата на социјалните мрежи.
Според сведочењата на студените, како што обајви „Студентарија“, алармирано било до управата на домаот, а реакцијата била несоодветна со иронично прашање „Од глувци ли се плашите“. Потоа како што се тврди на студентите им бил поделен отров, за само да до стават на местата каде што има глувци.
Пред неколку дена, студентите сместени во домот „Браќа Миладиновци“ во Штип повторно излегоа со предупредување за недостоинствените услови во кои живеат, барајќи итна реакција од надлежните институции.
Според информациите што ги објави платформата „Студентарија“, студентите целиот изминат викенд биле оставени само со конзервирана храна, две паштети, две конзерви месен нарезок, едно чоколадо и еден кроасан. Тоа, велат, бил единствениот оброк за два дена, бидејќи кујната во домот не работи за време на викендите.
„Ваквата исхрана е понижувачка и нездрава. Ние сме студенти, не затвореници“, реагираат тие, додавајќи дека и во текот на неделата оброците се еднолични и нутритивно сиромашни, без салата, овошје или други додатоци.
Покрај проблемите со исхраната, условите во бањите се алармантни за 130 студенти функционираат само две туш кабини, додека дел од тоалетите се нефункционални или во лоша состојба.
Проблеми има и во студентскиот дом „Гоце Делчев“ за каде беше пријавени дека не работат ливтовите во еден од блоковите, па станарите мораа да одат пешки во високите згради.