Во изминатиот период имавте прилика да споредите два концепти. Од едната страна видовте навреди и плукања, а од другата страна видовте искрен пристап, реална програма со решенија за модерна Битола, видовте тим кој е подготвен да работи исклучиво за вас и за вашите интереси.
Со ова денеска, на последната прес конференција пред изборниот молк за вториот изборен круг, на своите сограѓани им се обрати Менде Диневски, кандидат за градоначалник на Битола од „Сојузот за иднината“
– Видовте омаловажувања, изборен фалсификат со поткупување и потплатување, недозволено агитирање, фантомски гласачи, бугарски воз, закани и притисоци. Видовте изборна кампања во која се фрлени илјадници евра и видовте кандидат кој немаше храброст да се појави на телевизиски дуел, човек кој очигледно е најкомотен – кога е сам на екраните. Нема што друго да се додаде! Изборот е ваш – им порача тој.
Тој истакна дека на битолчани не сака ништо да им сугерира, туку само да ги повика на 7 април да излезат на избирачките места и да гласаат по свое убедување.