Менде Диневски, кандидатот за градоначалник од Сојузот за иднината денеска, претставувајќи го вториот дел од својата изборна програма, се задржа на проектот „Мое маало – Мое село“.
Делот „Мое маало – Мое село“ од изборната програма опфаќа долгорочни решенија за граѓаните на Битола, без разлика дали се од центарот или од околните места, бидејќи направена е од граѓаните за граѓаните, со цел подобар и поквалитетен живот во целата наша општина – истакна тој.
Тој рече дека најголем дел од барањата во секое населено место се потребите од асфалтирање на улици, изградба на канализација и водоводи, осветлување, спортски игралишта, зелени површини, подобри автобуски линии, чистење на депонии.