Талески и локалната самоуправа пред 3 години ја поскапија цената на водата за цели 117%, рече Менде Диневски, кандидат за градоначалник од Сојузот на Иднината.
Замислете, битолчани во оваа тешка економска и социјална криза, во општина богата со природни ресурси, плаќаат екстремно скапа вода и тоа само заради недомаќинското работење на директорот на ЈП Водовот, воедно и претседател на битолското ДПМНЕ.
Згора на сѐ кадрите од ДПМНЕ ги продадоа и акциите на ЈП Водовод кои им носеа богата дивиденда, со што од силно јавно претпријатие, го доведоа во ситуација да земе кредит во износ од 2 милиони евра, кој битолчани ќе го исплаќаат, наредните 10 години.
За разлика од кадрите на ДПМНЕ кои ги интересира само личниот интерес, ние единствено ќе се грижиме за интересите на битолчани и после 24-ти март, ќе ја намалиме цената на водата односно битолчани ќе плаќаат помалку пари за потрошената вода.