Емил Димитриев, генералниот секретар на ВМРО-ДПМНЕ, го доби мандатот за состав на новата Влада од претседателот Ѓорге Иванов.
Експресно, во 22 часот вечерва, Собранието ќе расправа и ќе гласа за составот на Владата кој ќе го предложи Димитриев. На листата ќе се најдат и имињата на Оливер Спасовски и Фросина Ременски, кои Димитриев ќе ги предложи за министри за внатрешни работи и за труд и социјална политика.
Според најавите Спасовски и Ременски нема да присуствуваат на седницата, и нејасно е како ќе влезе предлогот без нивна согласност.
Претходно спикерот Вељаноски ја констатираше оставката на Груевски и без опозиција ВМРО-ДПМНЕ и ДУИ го распуштија Собранието. Одлуката ќе влезе во сила на 24. февруари, а изборите ќе се одржат на 24.април.