Во четврток бомбите на СДСМ ќе се емитуваат пред домот на премиерот Никола Груевски
„Граѓаните за Македонија” повикуваат на нов протест денеска со почеток во 18 часот пред домот на премиерот Никола Груевски.
Од организацијата порачаа дека уште еднаш ќе го потсетат премиерот, како што велат, на неговите злодела со емитување на бомбите кои ги обелодени опозицијата.
„Понесете тенџериња, лажици, капаци од тенџериња, туби, свирки и други предмети што предизвикуваат бучава, за да чуе и да разбере дека мора да си оди”, порачуваат Граѓаните За Македонија.