На денешната 9. седница на Собранието, каде пратениците расправаат за предлогот за пристапување кон измена на Уставот, во законодавниот дом не се појавија Солза Грчева, Љубица Буралиева и лидерот на ДПА Мендух Тачи.
Како што изјави претседателот на Собранието Трајко Велјаноски, овие пратеници навреме го најавиле своето отсуство од седницата.
Во Собранието, пратенците дискутираат за дневниот ред, каде со предложените измени се бара попрецизно дефинирање на бракот како заедница меѓу маж и жена, прецизирање на фискалните правила во буџетот со ограничување на буџетскиот дефицит од три проценти и на јавниот долг од 60 проценти од БДП, промена на називот на Народна банка во Банка на РМ, воведување на уставна жалба и промена на составот на Судскиот совет.
Петар Клинчарски