Додека во Основниот суд Скопје 1 се решаваа човечки судбини, дел од вработените денеска скокаа на турбо фолк музика.
На првиот кат од задниот влез се играше за крајот на „успешната година“. Иако и оваа година и не е баш за скокање и веселба во судството.
Ќе остане запаметена по политичката селективност, некои предмети не беа извадени од фиока, некои експресно се туркаа и имаа завршница како што била нарачана. Некои имаа судската завршница, но поради блискоста со власта се прогласија за застарени. Противниците пак на власта секогаш ја добиваат ефикасната казна.
Денска уште еднаш се судеше со заштитен сведок, заштитниот знак на ова судство кога сака да осуди некого. Како инаку да се напредува во судството?
Откако дел од вработените видоа дека некој ги снима, за момент застанаа, ги повлекоа ролетните и продолжија со играта. Среќна Нова..