Едно општество за сите граѓани, кое ќе биде инклузивно за секој поединец без разлика на етничката или верската припадност, беше пораката која што се испрати на денешната дебата за промовирање на петтиот столб од „Визијата за Македонија“.
Говорниците порачаа дека првите четири столба: одговорна власт, праведно распределен доход, пристојна работа и европска иднина, не можат да функционираат ако постојат длабоки поделби по етничка основа.
Што се однесува, пак, до образованието како значаен аспект на петтиот столб, Петар Атанасов, претседател на комисијата за образование на СДСМ истакна дека е нужно мултикултурните вредности конечно да се вратат во образовниот процес.
– Ние ќе се залагаме за воведување на едногодишно бесплатно предучилишно образование, во кое што ќе бидат интегрирани елементи на соживот и толеранција. Јазичните политики исто така треба да претпрпат промени со цел секој поединец да се чувствува вклучен во општеството – рече тој.