Новата новинска агенција „Мета.мк“ www.meta.mk почна со работа и нивната главна цел е да биде достапен и одржлив извор на професионални информации за јавноста, медиумите, институциите и за компаниите.
Зоран Андоновски, директор на Агенцијата вели дека таа ќе се обиде да овозможи поинаков пристап отколку оној што го нудат постоечките новиниски агенции во Македонија.
– По дефиниција агенциското новинарство треба да се тргне од обоеноста, оттаму и Мета.мк ќе се обиде да ги пренесува информациите онакви какви што се. Ние знаеме дека не можеме да бидеме конкурентни на државната агенција, но токму формирањето на Мета.мк е во таа насока – да понуди содржини кои што ги нема застапено на други места, вели за А1 он, Андоновски.
„Мета.мк“ ќе известува на македонски, а наскоро и на албански и на англиски јазик. Преземањето на содржините ќе биде бесплатно за медиумите од Македонија во ограничен временски период.
А.Б.