Пратеникот на ДУИ, Ејуп Алими истакна дека тие биле и повторно ќе одат во Тирана. Тој побара да се почитува Албанија како соседна земја, која има придонесено за мирот и демократизацијата на Македонија и кажа дека таа е прва земја која што ја признала Македонија под уставното име.
– Да се вратиме на реалните проблеми во државата. Не се почитува претседавачот на оваа седница. Да им кажеме на граѓаните дали тука ќе зборуваме за нивните проблеми, а тоа се нефункционални општини, нефункционално Собрание, техничка влада, а како што тргнало еден ден ќе имаме и техничка држава, рече Алими.
Тој кажа дека државата под водство на ВМРО-ДПМНЕ не ги слуша советите од меѓународниот фактор, а кога е празна касата веднаш бара помош од Европската унија и УСАИД.
