(ВИДЕО) Адвокатите на Клементина: Ударите од неа не придонеле за смртта на ракометарот Тот

Од:

Ударите од Клементина Лефкова, третообвинета во случајот за убиството на Денис Тот, не придонеле за смртта на ракометарот. Ова го тврдат двајцата нејзини адвокати, Емил Гугутчески и Бојан Василески. Тие велат: „во никој случај, ударите не можат да допридонесат за смрт“. Тие го посочуваат ова откако вештите лица па посочија за нагмечувања кои ги имал Тот во пределот на главата и телото.

dobivaj vesti na viber

„Немаме уште тоа докажано. Имаме уште за докажување, рано е“, вели адвокатот прашан како настанала смртта.

За нив е најважно да докажат дека немало умисла да се убие Тот, па додаваат: „Умислата се уште виси во воздух, тоа за нас е најважно“.

Прашани да ги искоментираат тврдењата на вештаците кои посочија дека повредата на рбетниот мозок е главна причина за смртниот исход, адвокатот Василески вели: „Во вештачењето стои дека друго е причината за смртта. Се релативизира денеска и тврдењето и вештечењето во денешното излагање на вештите лица, откако им беше предочено дека во вештачењето има друго напишано“, а на барањето да каже што стои во вештачењето, рече: „Има време ќе излезе во јавност. Се релативизира како е настаната таа повреда“

За нив е неспорно дека имало удари, меѓу кои е и боксот, по што следува единствениот момент кога Тот паѓа на земја.

„Вештите лица даваат само можност како да е настаната повредата. Во конкретниот случај во вештачењето стои дека е од падот, сега кажуваат дека е од вртење на главата“, додава адвокатот.

Децидни се дека второобвинетата го нема сторено кривичното дело убиство.

„Ние ја браниме дека нема направено кривично дело кое и се става на товар. И стоиме на тоа. Умислата не е докажана“, вели адвокатот, а прашан кое кривично дело го има направено Клементина, тој посочува: „Не знаеме тоа, обвинителката ќе каже“.

Доколку ракометарот Денис Тот, немал повреда на рбетниот мозок, ќе преживеел. Ова го покажува вештачењето на Александар Станков, директор и доктор во Судска медицина при обдукција на телото, кое е презентирано на судењето. Ударот и падот кај Тот се случуваат кога Анџело Ѓорѓиевски му задава удар со бокс, по што сега починатиот паѓа на земја. Докторот Станков, вели: „Доколку таа повреда би ја немало, тој би можел да преживее“.

Би можело да ве интересира

(ВИДЕО) Обвинителката за пресудата за Денис Тот: Казната е во рамки на законски предвидената казна

Кристијан Ландов

(ВИДЕО) „Казните се драконски, ова е неправда“, реакции на адвокатите чии обвинети добија вкупно 52 години затвор

Кристијан Ландов

Лелек, тензии и негодување за високите казни од обвинетите: „Кај ќе ви оди душата?“, „Ќе ме избркате од судница?, „Чист сум пред Бога“

Кристијан Ландов

ВИДЕО: Анџело и Клементина добија по 18 години затвор, а Андреј 16 години за убиството на Денис Тот

Кристијан Ландов

ВО ЖИВО: Пресуда за убиството на ракометарот Денис Тот

Ландов

Адвокатот на Анџело: Нема убиство на Денис Тот, предлагаме ослободителна пресуда

Кристијан Ландов