Вицепремиерот задолжен за европски прашања Арбр Адеми, денеска и утре, на покана на заменик претседателот на Владата на Малта и министер за европски прашања, Луис Грех, ќе учествува на неформалниот состанок на министри и државни секретари за европски прашања во Валетa, Малта.
Како што соопшти Секретаријатот за европски прашања, состанокот е во рамките на Советот на Европската унија за општи работи и ќе биде посветен на приоритетите на ЕУ за време на претседавањето на Малта.
На првиот дел од состанокот, покрај земјите членки на ЕУ, поканети се и министрите за европски прашања на земјите кандидати.