Во Основниот суд Скопје 2 се одржа подготвителното рочиште за тужбата за клевета на братот на премиерот Зоран Заев, Вице Заев, против потпретседателот на ВМРО-ДПМНЕ, Александар Николоски.
Причината за тужбата е поради тоа што Николоски во телефонско интервју за една телевизија, рекол дека Вице Заев и неговото семејство ги добива сите главни бизниси во државата.
На следното рочиште на 26 февруари, ќе биде распрашан братот на премиерот. Николоски доставил одговор на жалбата и рече дека сам ќе се застапува. Вредноста на спорот е 30 илјади денари.
Во изјава за медиумите, Николоски рече дека Вице образложил дека поради таа изјава чувствувал вознемиреност и имал главоболки.
„Ако му дошло на Заев за 30 илјади денари, нека си ги троши со здравје“, рече Николоски по рочиштето.
Васко Маглешов