Претседателот на Собранието на Република Македонија Трајко Вељаноски од денеска престојува во официјална посета на Република Србија.
Како што соопшти кабинетот на Вељаноски, посетата е во функција на позитивен пролетен Извештај на Европската комисија за напредокот на Република Македонија, во сегментот унапредување на добрососедските односи.
Вељаноски, освен со својот колега, претседателот на Народното Собрание на Република Србија Небојша Стефановиќ, ќе се сретне со српскиот претседател Томислав Николиќ, со премиерот Ивица Дачиќ, со министерот за надворешни работи Иван Мркиќ, со претседателот на парламентарната група за соработка Зоран Остојиќ и членовите на групата, како и со претставници на заедницата на Македонците во оваа земја.
Во состав на собраниската делегација се и претседателот на групата за соработка на Собранието на Република Македонија со Народното Собрание на Република Србија Драгиша Милетиќ и членовите на групата пратениците Косана Николиќ – Мазнева, Иван Стоиљковиќ и Тања Томиќ.