Претседателот на Собранието на Република Македонија Трајко Вељаноски денеска во Вашингтон ќе има средби со претседателот на Комитетот за надворешни односи на Претставничкиот дом на САД конгресменот Ед Ројс, со ко-претседавачот на Комитетот за промоција на демократијата Дејвид Прајс и со конгресменот Питер Роскам.
Вељаноски ќе се сретне и со претседателот на фондацијата Херитиџ, поранешниот сенатор Џим ДеМинт, како и со претседателот на Националниот демократски институт Кенет Волак.
На средбите ќе присуствуваат и пратениците Владимир Ѓорчев и Александар Спасеновски.