Претседателот на СДСМ Зоран Заев по повод големиот христијански празник Воскресение Христово Велигден, упати честитка до Бискупот скопски и апостолски егзарх во Македонија Киро Стојанов и до сите верници од католичка вероисповед во Република Македонија.
– Во оваа убава прилика ги нагласувам моите искрени уверувања и заложби сите ние заедно да продолжиме секојдневно да остваруваме свој придонес во создавањето напредна иднина на Република Македонија во која ќе продолжи да владее меѓусебно разбирање, заемно помагање и толеранција меѓу сите граѓани. Убеден сум дека покрај политичките и граѓанските, и сите верски ентитети, вклучително и Католичката црква во Република Македонија, ќе продолжат да даваат суштински придонес во таа насока.
Вам лично и на сите верници од католичка вероисповед во Република Македонија Ви посакувам да ги поминете велигденските празници радосно и во добро здравје, во кругот на семејството и со добро празнично расположение, пишува во честитката на лидерот на СДСМ Заев.