Велешанка била нападната од страна на обезбедувањето на училиштето Васил Главинов. Таа била вербално и физички нападната, влечена и удирана, затоа што низ училишниот двор прошетала со своето мирно, на поводник водено куче, известија од здружението „Анима Мунди“.
Мими Георгиев била нападната од страна на обезбедувањето на училиштето „Васил Главинов“, при што ѝ биле предизвикани сериозни телесни повреди и силен стрес.
Во дворот не стоела никаква ознака за забрането движење со миленик, поради што Здружението за заштита на животните „Анима мунди“ побара кривична одговорност за напаѓачот.
Според нив, ова е и локацијата на која масовно се фрлаат отрови во Велес за кои континуирано објавуваат и поднесуваат пријави активистите од „Гласот за животните“ од Велес.