Првиот меѓу еднаквите, Трајко Велјаноски, ја укори опозицијата, поднесувала многу закони, што не било пракса во ниту еден Парламент. Постојаното барање паузи, вели ја кочело работата. Ова за него е инает политика, а секој собраниски ден чини 15.000 евра.
Според опозицијата спикерот го крши и Деловникот и Законот за Собрание. Петокот е ден резервиран за средби со гласачите.
Во меѓувреме, на средба со избрани медиуми, Велјаноски најави дека следната недела во собраниска процедура ќе влезат измените на Изборниот законик направени по препораките на ОБСЕ ОДИХР и законот за финансирање на политичките партии. И се поради исполнување на препораките на ЕУ и добивање на уште еден позитивен извештај за работата на Собранието во октомври од Европската комисија.