Кисела Вода е единствена Општина во градот Скопје, а вооедно и во Република Македонија, која има изграден гасовод во должина од 11км низ целата сопствена должина.
Иако овој проект целосно беше изграден во времето кога СДСМ раководеше со Владата на РМ, во далечната 1997, тој не заживеа само поради немањето на капацитет на градоначалниците од ДПМНЕ кои владеат со Општината 12 од последните 16 години, рече Љупчо Васовски, кандидат за градомначалник на општината од редовите на Сојузот за иднината.
Граѓаните на Кисела Вода не смеат да ги изгубат и наредните 4 години. Поради тоа ние се обврзуваме дека: Ќе отпочнеме со изградба на секундарна гасоводна мрежа низ сите населени места во Општината. Прва делница од секундарниот гасовод ќе започне во Октомври 2013, а први ќе бидат приклучени јавните институции, индустриско-комерцијалните објекти и домакинствата во населбата 11 Октомври. Во декември 2013 предвидено е започнување со изградба на мрежата во Индустриската зона Пинтија и населбата Драчево, а благодетите од намалените трошоци за греење ќе можат да бидат почувствувани во грејната сезона 2014.