Во дебарската работна единица на Центарот за јавно здравје-Охрид, во изминатите два дена, од кога почна вакцинацијата против сезонски грип, ја примиле седумдесет лица.
– Годинава набавивме 500 вакцини, што е за педесет повеќе споредено со лани. Тоа поради поголемата заинтересираност што беше лани бидејќи заради близината, за имунизација од сезонски грип, се јавуваат и жители од подрачјето на Река, општина Маврово Ростуше, информира Ментор Меља, епидемилог, додавајќи дека доколу биде потребно ќе се изврши и дополнителна набавка.
Според Меља вакцината е со унифицирана цена од 400 денари и се препорачува за лица со зголемен ризик за заболување од грип и можни компликации од грип.