В недела, од 5 до 11 часот во Скопје ќе се изврши третата аеросолна дезинсекција (авионска) против ларви од комарци. Ќе бидат опфатени сите мочуришта, канали и стоечки водени површини во Скопје и неговата околина, како и течението на реката Вардар.
– Доколку временските услови не го дозволуваат вршењето на аеросолната дезинсекција, таа ќе се изврши првиот нареден ден, кога временските услови ќе бидат поволни, во истиот термин, информира Град Скопје.
Се известуваат пчеларите на време да ги преземат потребните мерки за заштита на пчелите.