Успешно реализирана акција „садница плус“ во Куманово

Од:

Учениците од кумановските основни училишта и градинката „Ангел Шајче“ денеска садеа ели во рамките на 19-тата акција на „Ден на дрвото – Засади ја својата иднина!“ и шестата акција „Садница плус“, соопштија денеска одговорните од секторот за образование од општина Куманово.

Како што информираше Наташа Крушиќ од секторот, семките од ела претходно се распределени на градинките и училиштата, а децата со помош на наставнците ги засадиле на првиот час. Семето од ела за оваа акција е собрано во Националниот парк „Пелистер“.

Одговорниот воспитувач од објектот „Развигорче“ од Куманово Јадранка Петрушевска, информира дека ацијата има за цел да ја подигне на повисоко ниво еколошката свеста кај најмладите за зачувување на животната средина уште од најрана возраст.

– Децата засадија семчиња од ела, а имаме и радосници во кои го бележиме растот на садниците, со што децата конкретно ќе имаат можност да ги следат промените кај садниците, изјави Петрушевска.

Акцијата има едукативен карактер и има за цел да ги едуцира учениците колку е важно и истовремено колку е тешко да се одгледа садница, да се почитува природата и да се штити животната средина.

Би можело да ве интересира

Нормализиран сообраќајот на регионалниот пат Свети Николе – Куманово

Изгаснат е пожарот на депонијата „Краста“ во Куманово

Кумановец повреди двајца учесници на европските младински олимписки игри

Прекин на сообраќајот на регионалниот пат Куманово – премин Пелинце

МВР: Телото на починатото лице пронајдено во близина на пожар во село Лозаново е предадено за обдукција

Горан Наумовски

Избувнаа неколку пожари на различни локации во Куманово, градот е обвиткан во чад