Основното јавно обвинителство Скопје денеска поднесе обвинителни предлози и против тројца државјани на Република Турција за кривично дело „фалсификување исправа“ од член 378 став 1 од Кривичниот законик.
Обвинетите, како што денеска соопштија од Службата за односи со јавноста во Јавно обвинителство на Република Северна Македонија, на пасошка контрола при излез од државава, на граничниот премин на Меѓународниот аеродром Скопје, прикажале лажни потврди за негативни ПЦР тестови за SARS-CoV-2 вирусот, кои наводно биле издадени од една лабораторија во Скопје.
– Потврдите ги прикажувале како вистински, иако знаеле дека воопшто не се тестирале во наведената лабораторија и дека не поседуваат серитфикат за негативен ПЦР тест, се појаснува во соопштението од Службата за односи со јавноста во Јавно обвинителство на Република Северна Македонија.