Бројката на загинати припадници на безбедносните сили се искачи на осум, според информации на ТВ Сител.
Во хируршките клиники има забрана за посета на цивили, а од внатрешноста не се препраќаат пациенти освен итни случаи.
Повторно на работа се истите лекари сестри и медицинскиот персонал што значи дека самоиницијативно над 30 часа се на работа за да помогнат на повредените.
Десетина специјалци се примени во болниците 8 Септември и Свети Наум Охридски.
До овој момент не се знае дали и колку цивили има во Дива населба. Вкупно 8 полициски службеници го загубија животот во престрелките при интервенцијата за неутрализација на терористичката група која делуваше во Куманово.
Македонија прогласи дводневна жалост.