Урсула Фон дер Лајен денеска пристигнува во Скопје

Од:

Претседателката на Европската комисија Урсула фон дер Лајен денеска пристигнува во официјална посета на земјава, од каде ја започнува четиридневната турнеја низ Западен Балкан.

Фон дер Лајен, како што најави делегацијата на ЕУ во земјава, денеска ќе се сретне со претседателот на државата Стево Пендаровски, додека утре ќе има средба со премиерот Димитар Ковачевски.

По заедничката прес-конференција во Владата, Фон дер Лајен и Ковачевски ќе посетат фабрика за преработка на овошје и зеленчук во близина на Скопје, која е корисник на средства од ИПАРД програмата финансирана од ЕУ.

Фон дер Лајен од Скопје, ќе отпатува за Приштина, а потоа ќе ги посети Подгорица, Белград и Сараево. Посетата, како што е најавено, Фон дер Лајен ќе ја искористи да разговара за билатералната соработка со регионалните лидери и за подетално да им го претстави Планот за раст на ЕУ за Западен Балкан.

Претседателката на ЕК, како што изјави за МИА вицепремиерот Бојан Маричиќ на крајот на работната посета на Брисел, доаѓа во Скопје за да разговара за потребните и неопходните реформи и за дополнителните средства што треба да ги добие земјава како помош од ЕУ и мотивација за реформите, како и за обврски што ни преостануваат, за да се комплетираме оваа фаза на пристапувањето и да се премине во втората, односно отворање на кластерот и со тоа да се најави и крајот на скринингот.

Според Маричиќ, се очекува таа да ги најави извештаите на ЕК за напредокот на земјите кандидати за членство во ЕУ, чие објавување е предвидено за 8 ноември, како и да ги презентира основните црти на Планот за раст на Западниот Балкан, што би требало да биде објавен до крајот на оваа година.

Би можело да ве интересира

Фон дер Лајен: Самитот ЕУ-Велика Британија ќе ја зајакне соработката во областа на одбраната

ЕК ги прекршила правилата за транспарентност во врска со СМС пораките на Фон дер Лајен за Ковид вакцините

Катерина Ѓуровски

Орбан до Фон дер Лајен: Украина добива пари и оружје, а европските даночни обврзници ја плаќаат сметката

А1он

Фон дер Лајен: Инвестираме 500 милиони евра за научниците да дојдат во ЕУ

А1он

Фон дер Лајен: Крајната левица и десница го поддржуваат Путин, а не мирот во Украина

Фон дер Лајен: Западот каков што го знаевме повеќе не постои