Здруженијата на медицински сестри: Да се регулира дејноста со закон, незадоволството е големо

Од:

Унијата на здруженијата на медицински сестри, техничари и акушери предводена од Здружението „За нас“ бара да се донесе закон со кој ќе се регулира дејноста на медицинските сестри.

Претседателката на Унијата, Гордана Бешлиовска, вели дека медицинските сестри имаат нерешен статус и во болниците има не само одлевање на медицински сестри, туку и разни други нивни незадоволства и нарушување на нивното достоинство.

-Основното решение лежи во донесување на Законот за дејноста за нашата сестринска професија, кој ќе ги зададе нашите задачи, нашите компетенции врз основа на кој ќе имаме одговорност. Ние немаме зададени компетенции и задачи, ниту можеме да си ја одредиме одговорноста и како фела сме маргинализирани и оставени сме на милост и на немилост на политиките на менаџерите во здравствените институции, рече Бешлиовска.

Медицинските сестри во болниците, посочи таа, се третирани по аршини на некои правилници во самите болници. Според неа, медицинските сестри не недостигаат само кај нас, туку тоа е глобален проблем.

-Ако не беше пандемијата ќе имаше уште поголем дефицит од медицински сестри, се повеќе и повеќе ќе заминуваа и кога ќе заврши пандемијата голема е бројката на медицински сестри кои се подготвуваат да си заминат. Имаме сестри кои во моментов се подготвуват и разни завршни испити за јазици полагаат и во соседна Србија и се подготвуваат по завршувањето на пандемијата да си заминат. Основната причина е во нерегулирање на дејноста на професијата. Има комплетно незадоволство во целокупната фела. Понудените решенија за законот треба да се прифатат. Препораките на СЗО се во насока на сестрите да им се даде апсолутно голем простор во имплементирање на здравствената политика, потенцира Бешлиовска.

Таа додаде дека незадоволство на медицинските сестри има не само на Инфективната клиника, туку во сите здравствени установи.

Би можело да ве интересира

Филипче: Се подготвуваат дополнителни болнички капацитети за заболените, граѓаните да ги почитуваат мерките

Ана Ололовска

Филипче: Правиме план за зголемување на здравствени капацитети во интерните одделенија низ земјата

Ана Ололовска

Филипче: Од почеток на ковид кризата, од опозицијата не видовме ништо друго освен опструкции и критики

Ана Ололовска

Вакцини против грип кон крајот на месецов, бесплатни за ризични групи, ќе има дополнителни вакцинални пунктови

Ана Ололовска

Полската болница зависи од потребите и плановите на МЗ, МО и Армијата се на располагање, вели Шекеринска

Ана Ололовска

На Италија и недостасуваат 4.000 анестезиолози

Жарко Настоски