Петнаесет лап-топ компјутери украле крадци од просториите на основното училиште „26 Јули“ во скопската населба Шуто Оризари.
Според полицијата, кражбата е извршена пред пет дена, помеѓу 16 и 19,40 часот. Арамиите, насила провалиле во училиштето, ги зеле лап-топ компјутерите и избегале. За еден месец, ова е трета кражба на компјутери од основни училишта, а крадците досега не се откриени.