Забраните за движење на тешки товарни возила на планинските премини Стража и Пресека се укинати од 14:50 часот попладнево, соопшти Автомото сојузот на Македонија (АМСМ).
Претходно АМСМ соопшти дека поради свлечиште на патниот правец Прилеп-Ресен на обиколницата на Битола, сообраќајот е во целосен прекин за сите видови возила и се пренасочува низ Битола.
Поради снег сообраќајот на патот Струга – граничен премин Ќафасан е затворен само за тешки товарни возила. Забрани за камиони на патните правци крак Маврово – Дебар и Тетово – Попова Шапка.