Автомотосојузот на Македонија (АМСМ) соопшти дека од 13:15 часот денеска е укината забраната за сообраќај за тешки товарни возила на патниот правец крак Маврово – Дебар.
Претпладне беше укината забраната за камиони и на патиштата крак Стража-Кичево и Крива Паланка – граничен премин Деве Баир.
Остануваат забраните за движење на тешки товарни возила на патните правци Тетово – Попова Шапка и Струга – граничен премин Ќафасан, како и за движење на автобуси на патот Тетово – Попова Шапка. За останатите возила задолжителна е употреба на зимска опрема, велат од АМСМ.