На патниот правец Охрид-Кичево преку планинскиот премин Пресека е укината забраната за сообраќај на автобуси и за камиони, но задолжителна е употреба на зимска опрема, соопшти попладнево Автомотосојузот на Македонија.
Укинати се и забраните за тешки товарни возила и на патните правци Гостивар-Кичево преку планинскиот премин Стража и Охрид-Ресен преку Буково, но исто така задолжителна е употреба на зимска опрема (ланци).