За да издржат резервите на нафта до крајот на грејната сезона, во тетовските училишта се штеди на огрев. Парното се вклучува од сабајле за првата смена, а за учениците кои се од попладне на настава, радијаторите се веќе ладни, јави Алфа.
Во Секторот за јавни дејности, велат дека штедењето е неизбежно, оти училиштата немаат доволно пари за набавка на дополнителен огрев.
Тетовските училишта имаа проблеми со огревот и пред крајот на првото полугодие. Учениците и тогаш настава следеа во недоволно затоплени простории, а во некои училишта беа скратени часовите.