Во учебник по социологија за втора година на реформираното гимназиско образование е наведена содржина која се однесува на наталитетот во државата и истиот е објаснет со тврдење дека „висока стапка на раѓање имаме кај Ромите, Албанците и Турците“ и дека „во врска со тоа треба да се преземат мерки и треба да се најде начин наталитетот да се доведе во нормални рамки“.
„Голем процент од ова население, а посебно оние што не се доволно образовани се репродуцираат на стар, традиционален начин, без свесна контрола за раѓањето. Во врска со тоа треба да се преземат мерки и треба да се најде начин наталитетот да се доведе во нормални рамки“, пишува во учебникот.
Исто така авторите на овој учебник пишуваат дека „кај оние етнички групи (Македонците), каде што природниот пораст на населението е низок, треба да се стимулира бидејќи пропорцијата на наталитетот присутен кај различните етнички групи негативно се одразува на политички, економски и социјален план“.
Автори на учебникот се Нелко Стојаноски, Зоран Матевски, Милева Ѓуровска.
Дел од реакциите на социјалните мрежи за оваа содржина се дека таа е навредлива, и стимулира фашистичко размислување.