Министерката за внатрешни работи Гордана Јанкуловска не негираше дека 36 – годишниот Игор кој вчера изврши двојно убиство, а потоа и се самоуби, работел како обезбедување на висок владин функционер, пренесе 24 Вести.
Убиството било извршено со службен пиштол за кој имал дозвола и покрај кривичната пријава што ја добил во 2004-та за загрозување со опасно орудие при тепачка или караница, потври министерката.
Од обвинителството велат дека се уште се работи на собирање на доказите и информациите со кои треба да се разјасни што се случило и кои биле мотивите на сторителот.
Трагедијата вчера во скоската населба Аеродром се случила пред очите на двете малолетни деца на една од убиените.
