Основниот суд во Велес донесе одлука неготинецот Димитар Спасов кој ја закла својата мајка Нада и ја фрли во контејнер, да се однесе на лекување во психијатриската болница „Бардовци“ во истоименото скопско село.
Судот ја определил мерката за безбедност откако психијатрите од Клиничкиот центар во Скопје го прогласија за непресметлив.
Според вештите лица, Спасов во моментот на убиството бил во параноидна халуцинациона состојба. Поради тоа што е опасен за околината, Судот одлучи да го испрати на лекување во Бардовци, од каде и претходно беше донесен во судот во Велес, објави „Утрински весник“.
Грозоморното убиство се случило на 15 јули годинава во Неготино во семејниот стан во центарот на градот.