Ракометарите на Вардар про синоќа убедливо со 36-25 славеа над Борац од Бања Лука во меч од 6. коло во СЕХА лигата, забележувајќи ја 4. победа во регионалното натпреварување.
Најефикасни во четата на Веселин Вујовиќ беа Недановски и Рајковиќ со по пет постигнати погодоци.
Вториот македонски претставник во СЕХА лигата, екипата на Металург дуелот со Брест Мешков на гости ќе го одигра на 12 декември, додека следниот натпревар ќе го одигра в петок со Загреб во рамките од следното 7. коло во салата „Автокоманда“ во Скопје.
Табела: Загреб КО 13 бодови (5 натпревари), Вардар Про 13 (6), Татран Прешов 12 (5), Нексе 12 (6), Ловќен 10 (6), Металург 9 (5), Брест Мешков 6 (5), Извиѓач 6 (6), Борац БЛ 1 (5), Слога 0 (6).