Во полициска акција ноќеска се уапсени 8 вработени во Македонски пошти, дознава Канал 5. Осомничени се за несовесно работење во службата. Утрово сите осуммина се изведени пред истражен судија и на седуммина им е одреден притвор.
Полицијата трага уште по двајца, кои во моментов не се достапни.
Според информациите на Канал 5 причина за апсењето е последниот филмски грабеж на поштата во Чаир на 26 Јули, кога двајца крадци украдоа 211 илјади евра и избегаа со веспи.
Меѓу уапсените е шефот на обезбедувањето на Пошта, двајца поштари, како и други луѓе чија задача била да се грижат за парите.
Според изворите на Канал 5 несовесното работење на осомничените вработени го утврдила и внатрешната ревизија која ја направила самата фирма Македонски пошти.
Повеќе информации за акцијата, МВР најави за утре.