Вчера вечер во 20.15 часот на улицата „Брсјачка Буна“ во Скопје, полициски службеници од Полициското одделение Шуто Оризари го лишиле од слобода 60-годишниот И.А. од Скопје, извести МВР.
– Тој се сомничи дека на 23.01.2023 во неговиот дом физички ја нападнал 30-годишната В.Р. од Струмица, со која се познавал од порано, по што не ѝ дозволил да го напушти домот до 09.30 часот на 24.01.2023. Лицето било задржано во полициска станица и по целосно расчистување и документирање на случајот, против него ќе биде поднесена соодветна пријава, соопшти МВР.