Уапсен е возачот кој во Скопје со возило удри во 13-годишен велосипедист

Дваесетгодишен возач од Скопје е уапсен од полицијата откако со возило удри во велосипед управуван од 13-годишник, соопшти МВР.

Следете a1on на Instagram

Во СВР Скопје е пријавено дека на ул.„Коце Металец“ патничко возило „сеат“ управувано од А.П.(20) од Скопје, удри во велосипед управуван од 13-годишник од Скопје.

Во несреќата, како што соопшти МВР, малолетникот се здоби со тешки повреди, констатирани во Комплекс клиники „Мајка Тереза“.

Увид на местото извршила екипа од СВР Скопје, а возачот А.П. е уашсен по член 300 од Кривичниот законик.

Следете a1on на Youtube

По целосно расчистување и документирање на случајот ќе следува соодветна пријава.