Единицата за недозволена трговија со дрога и оружје при СВР Скопје поднесе кривична пријава против 29-годишно лице од скопското село Арачиново, осомничено дека сторило кривично дело „недозволено изработување, држење и тргување со оружје или распрскувачки материи“.
На 18 октомври 2019, врз основа на судска наредба, соопшти денеска МВР, полициски службеници од Единицата за недозволена трговија извршиле претрес на домот на лицето во село Арачиново, при што била пронајдена и одземена една рачна бомба „Ф1“ со каписла, по што осомничениот бил лишен од слобода.