Оваа интерпелација е големо разочарување, очекував наместо за доверба на влада да дискутираме за реформите кои се спроведуваат, изјави Томислав Тунтев по образложението на опозицијата зошто бара гласање доверба на Владата.
„Ова ли е враќање на голема врата? Ова е само оправдување да се вратите во Собранието. После 4 месеци да дојдеа други пратеници ќе ми беше логично ова образложението за интерпелација, но вие сте истите кои пред 3 години слушнаа како владеела нивната Влада“, рече Тунтев.
Опозицијата денеска се врати во собранието по 4 месеци пауза. Барањето за гласање е поднесено од 42 пратеници, но ВМРО-ДПМНЕ очекуваат вечерва пред полноќ да биде изгласана недоверба иако се потребни 61 глас.
Галена Николовска-Ризвановиќ