Три лица биле повредени во сообраќајната несреќа што синоќа околу 23 часот и 30 минути се случила на регионалниот пат Тетово – Пирок во селото Синичане информираа од СВР Тетово. Според полициските податоци во сообраќајката учествувале две возила во движење „Голф“ како и паркирано возило „Гранд чироки“, сите со тетовски регистарски таблици.
Едниот„Голф“ без возачка дозвола го управувал А.А.(18) од Камењане, а вториот бил управуван од А.И.(18) од Пирок додека паркираниот „Гранд чироки“ бил сопственост на Ќ.М.(30) од Синичане. Возачот на вториот „Голф“ А.И. и сопатничките од истото возило на возраст од 12 и 41 година се здобиле со телесни повреди при сообраќајката по што биле пренесени во тетовската клиничка болница за укажување на лекарска помош.
Полицијата извршила увид и работи на утврдување на причината за несреќата, материјалната штета и другите околности.